ՀԱՄՇԵՆ ԵՎ ՀԱՄՇԵՆԱՀԱՅԵՐ. ՊԱՏՄՈՒԹՅՈՒՆ ԵՎ Մ&#1351

[Robbit]

ՀԱՄՇԵՆ ԵՎ ՀԱՄՇԵՆԱՀԱՅԵՐ. ՊԱՏՄՈՒԹՅՈՒՆ ԵՎ ՄՇԱԿՈՒՅԹ

Միջազգային գիտաժողով

Երեւան, ՙԿոնգրես՚ հյուրանոց, մեծ սրահ

23 հուլիսի, 2008թ.

2008թ. հուլիսի 23-ին ՀՀ ԳԱԱ արեւելագիտության ինստիտուտը եւ Հայրենադարձության եւ հիմնավորման ՙԵրկիր՚ հասարակական կազմակերպությունների միությունը կազմակերպում են ՙՀամշեն եւ համշենահայեր. պատմություն եւ մշակույթ՚ միջազգային գիտաժողովը:

Ներկայիս Թուրքիայում բնակվում են զգալի թվով էթնիկ հայեր, որոնք թեեւ ժամանակին ընդունել էին իսլամ, սակայն իրենց լեզվում, սվորույթներում, մշակույթի տարբեր բաղադրիչներում (երգ, պար, կիրառական արվեստ եւ այլն) դեռեւս պահպանել են իրենց բնիկ հայկական ինքնության որոշ տարրեր:

Նման էթնիկական խմբերից մեկն են համշենցիները կամ համշենահայերը: Վերջին տարիներին բավականին աճել է համշենցիների նկատմամբ հետաքրքրությունը գիտական շրջանակներում` հրատարակվում են նորանոր ուսումնասիրություններ, արվում են զեկուցումներ եւ այլն, իրենք` Թուրքիայի համշենահայերը բնիկ հայկական գիտակցության զարթոնքի որոշակի աշխուժություն են ցուցաբերում:

Արդ, նպատակ ունենալով խթանել Համշենի եւ համշենահայերի վերաբերյալ ուսումնասիրությունները, բարձրացնել խնդրի նկատմամբ հանրության եւ գիտական շրջանակների իրազեկությունը, նպաստել համշենահայերի հետ կապերի սերտացմանը` ՀՀ ԳԱԱ արեւելագիտության ինստիտուտը եւ Հայրենադարձության եւ հիմնավորման ՙԵրկիր՚ հասարակական կազմակերպությունների միությունը ս.թ. հուլիսի 23-ին կազմակերպում են ՙՀամշեն եւ համշենահայեր. պատմություն եւ մշակույթ՚ միջազգային գիտաժողովը:

Գիտաժողովի օրակարգը ընդգրկում է տարբեր թեմաներ` նվիրված Համշենի եւ համշենահայության պատմությանը, մշակույթին, լեզվին, բանահայուսությանը եւ այլն:

Զեկույցներով հանդես կգան գիտնական-մասնագետներ (արեւելագետներ, պատմաբաններ, ազգագրագետներ, լեզվաբաններ, մարդաբաններ) Հայաստանից, Ռուսաստանի Դաշնությունից եւ Թուրքիայից£

Գիտաժողովի աշխատանքային լեզուն հայերենն է, կապահովվի թուրքերեն համաժամանակյա թարգմանություն:

Գիտաժողովը տեղի կունենա հուլիսի 23-ին ՙԿոնգրես՚ հյուրանոցի մեծ սրահում:

Սկիզբը` ժամը 9:00-ին:

Հյուրանոցի հասցեն է` Երեւան, Իտալիայի փ., 1:

Գիտաժողովը տեղի է ունենում ս.թ. հուլիսի 21-27-ին Երեւանում անցկացվող ՙՀամշենական շաբաթ՚-ի շրջանակներում, որի ընթացքում նախատեսվում է իրականացնել այլ միջոցառումներ եւս` համշենական ՙՎովա՚ համույթի համերգներ, Համշենի հայկական ճարտարապետությանը նվիրված լուսանկարչական ցուցահանդես եւ այլն:

ՙՀամշենական շաբաթ՚-ի կազմակերպիչներն են` ՙՆարեկացի՚ արվեստի միությունը, Հայրենադարձության եւ հիմնավորման ՙԵրկիր՚ հասարակական կազմակերպությունների միությունը, Հայկական ճարտարապետությունն ուսումնասիրող հասարակական կազմակերպությունը եւ ՙԲագարան՚ հասարակական կազմակերպությունը:

[Robbit]

Գիտաժողովի օրակարգը