Իսրաէլի հայ համայնք

[Понч]

Մի քիչ ուշացումով..

«Մերեց» ____ «Իսրայել Բեյտեյնու» ______ «Լիքուդ»

Խայմ Օռոն _____ Ավիգդոր Լիբերման ______ Բենիամին Նատանյահու

Ահա 3 այն քաղաքական կուսակցություններն ու նրանց ղեկավարներն, որոնց օգտին քվեարկելու են իսրայելահայերը: Երուսաղեմահայերն ավանդաբար իրենց ձայները տալիս են «Մերեց» կուսակցությանը, քանզի վերջինս միշտ հանդես է գալիս

արաբա-իսրայելյան հակամարտության խաղաղ կարգավորման, հողային զիջումների

և ամենակարևոր հանգամանքը՝ այս միավորման նախագահ Խայմ Օռոնն իսրայելի Քնեսսետում Հայոց Ցեղասպանության ճանաչման բանաձևի հեղինակն է:

Երուսաղեմահայերը ցավոք սրտի չունեն մեծ ընտրազանգված, նրանց մեծամասնությունը Հորդանանահպատակներ են և ընտրելու իրավունք չունեն:

Չկան կոնկրետ ցուցակներ, թե ի վերջո որքան հայ ընտրողներ ունի Սուրբ Քաղաքը:

Նախկին ԽՍՍՀՄ-ից Իսրայել մշտական բնակության տեղափոխված քաղաքացիների թիվը մոտ 1մլն. 650.000 է, որոնցից մոտ 7000 են հայախո, որոնց գերակշիռ մասը նախկին հայաստանցիներ են, որոնք թույլտվություն են ստացել Իսրայելում բնակվելու:

Այս ընտրազանգվածն ամենապասիվ ու ապաքաղաքականացվածն է բոլոր նորեկներից(Հայաստանյան դառը փորձից ելնելով հավանաբար), սակայն նախկին հայաստանցիների մի փոքր հատված այնուամենայնիվ մասնակցելու է երկրի Օրենսդիր մարմնի ընտրու-թյուններին: Ընտրություններին մասնակցող քաղաքացիներից մոտ 10-15% իրենց ձայները կտան հօգուտ «Մերեց»-ի, մնացածն էլ բաժանվելուն են «Իսրայել Բեյտեյնու»(Մեր տունն Իսրայելն է) և «Լիքուդ»-ի միջև: Իսրայելահայերի «Նաիրի» միությունն այնքան էլ չի խրախուսում և ընդունում Ավիգդոր Լիբերմանի «Իսրայել Բեյտեյնու» կուսակցության օգտին քվեարկելն, քանզի 2008թ.-ի մարտին Քնեսսետում կայացած Հայոց Ցեղասպանության բանաձևի քննարկմանն ու ընդունմանը դեմ քվեարկեցին, իսկ «Նաիրի» միության բաց նամակն ուղղված Լիբերմանին մոտ մեկ տարի է ինչ մնացել է անպատասխան: Չնայած սրան մեզանում չի գործում պարտադրանքի կամ մարդկանց ընտրելու իրավունքներին բռնանալու սկզբունքը: Յուրաքանչյուր ոք ազատ է իր ընտրության մեջ: Ինչ վերաբերում է մյուս կուսակցություններին, ինչպես օրինակ կառավարող «Կադիմա» կամ Սոցիալիստական «Ավոդա» միություններին,ապա նախորդ ընտրու-թյուններին պաշտպանելով Արիել Շարոնի ստեղծած միությանը՝ հայերի մեծ մասը հուսախաբ եղավ: Լուրջ պայքար ծավալվելու է «Կադիմա»-ի և «Լիքուդ»-ի միջև: Վերջինիս ռուսալեզուների բլոկը ղեկավարում է Քնեսսետի Իսրայել-Հայաստան միջպառլամենտական բարեկամության խմբի ղեկավար Զեև Էլկինն, որը Հայոց Ցեղասպանության ճանաչման բանաձևի ջատագովներից ու հայ ժողովրդի բարեկամներից մեկն է: Այսպիսով երկու՝ «Լիքուդ» և «Մերեց» կուսակցություններն են, որ արժանի են հայ ընտրողների ուշադրությանը:

Կարծիքներն իհարկե տարբեր կարող են լինել, բայց Հայ Դատի հանձնախմբի Երուսաղեմի մասնաճյուղն օրինակ քննադատում է աջակողմյան Լիբերմանի կուսակցության ժխտողական կեցվածքը Հայկական հարցի նկատմամբ, չնայած, որ սրանք միշտ էլ վայելել են նախկին հայաստանցիների համակրանքը:

Իսրայելահայերի «Նաիրի» միությունը կոչ է անում

կատարել քաղաքացիական պարտքը

08.02.09 Իսրայելահայերի «Նաիրի» միության հիմնադիր կազմ

[Понч]

Նախագահ Սերժ Սարգսյանին իր հավատարմագրերն է հանձնել Հայաստանում Իսրայելի նորանշանակ դեսպանը

Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Իսրայելի նորանշանակ արտակարգ եւ լիազոր դեսպան Շեմի Ցուրին:

Գոհունակություն հայտնելով երկու երկրների միջեւ քաղաքական երկխոսության ներկա մակարդակից` Հանրապետության Նախագահը շնորհավորել է դեսպանին Իսրայելում վերջերս տեղի ունեցած խորհրդարանական ընտրությունների կապակցությամբ եւ վստահություն հայտնել, որ հարուստ ավանդույթներ ունեցող հայ-իսրայելական բարեկամական հարաբերությունները կշարունակեն զարգանալ նույն ոգով: Հանրապետության Նախագահը կարեւորել է տարբեր մակարդակներում եւ բնագավառներում, այդ թվում` միջազգային տարբեր կազմակերպությունների շրջանակներում համագործակցության հետագա խորացումը, ընդգծելով դրա համար անհրաժեշտ բոլոր նախապայմանների առկայությունը:

Հավատարմագրերի հանձնման պաշտոնական արարողությանը հաջորդած առանձնազրույցի ընթացքում դիվանագետը նշել է, որ իր համար մեծ պատիվ է լինել Իսրայելի դեսպանը Հայաստանում եւ կգործադրի հնարավոր բոլոր ջանքերը երկու երկրների միջեւ գործակցության հետագա ընդլայնման եւ բարեկամ հայ ժողովրդի հետ կապերի հետագա զարգացման համար:

Հանդիպման ընթացքում Հայաստանի ղեկավարն ու Իսրայելի դեսպանը մտքեր են փոխանակել մերձավորարեւելյան կարգավորման, ղարաբաղյան հակամարտության բանակցային գործընթացի եւ հայ-թուրքական երկխոսության վերաբերյալ: Դեսպան Շեմի Ցուրին ողջունել է հայ-թուրքական ընթացող երկխոսությունը եւ հարաբերությունների կարգավորման հույս հայտնել:

Անընդունելի համարելով հակամարտությունների ուժային լուծումները, զրուցակիցները ընդգծել են, որ առկա խնդիրների խաղաղ բանակցային ճանապարհով կարգավորումն այլընտրանք չունի, իսկ խաղաղությունն ու կայունությունը այն արժեքներն են, որոնք կարող են բարիքներ պարգեւել բոլոր ժողովուրդներին:

www.president.am

[Понч]

ՀՀ ԱԺ նախագահը ընդունեց Իսրայելի դեսպանին

Փետրվարի 12-ին ՀՀ ԱԺ նախագահ Հովիկ Աբրահամյանն ընդունեց Հայաստանի Հանրապետությունում Իսրայելի նորանշանակ դեսպան Շեմի Ցուրին:

ՀՀ ԱԺ նախագահ Հովիկ Աբրահամյանը շնորհավորելով պարոն Ցուրին դեսպանի պաշտոնը ստանձնելու կապակցությամբ` համոզմունք հայտնեց, որ նրա դիվանագիտական հարուստ փորձը լավ հիմք կհանդիսանա հայ-իսրայելական հարաբերությունները ակտիվացնելու ու զարգացնելու համար եւ պատրաստակամություն հայտնեց աջակցել համագործակցության խորացմանը փոխադարձ կարեւորություն ունեցող տարբեր ոլորտներում: Նա շնորհավորեց դեսպանին փետրվարի 10-ին Իսրայելում տեղի ունեցած Կնեսետի ընտրությունների կապակցությամբ եւ հույս հայտնեց, որ առաջիկայում կսերտանան միջխորհրդարանական հարաբերությունները` նշելով, որ Ազգային ժողովում գործում է Իսրայելի խորհրդարանի հետ պատգամավորական բարեկամության խումբ, որի ակտիվ աշխատանքը նույնպես կարող է նպաստել հարաբերությունների զարգացմանը: Պարոն Աբրահամյանի համոզմամբ խորհրդարանների միջեւ գործակցության ակտիվացումը, փոխայցերը եւ համատեղ ծրագրերի մշակումն ու իրականացումը երկու երկրների հարաբերություններին նոր որակ ու մակարդակ կհաղորդեն:

Հայաստանում Իսրայելի դեսպան Շեմի Ցուրը շնորհակալություն հայտնելով ընդունելության համար` նշեց, որ իր ջանքերը կգործադրի իսրայելահայկական հարաբերությունները հնարավորինս զարգացնելու համար` թե քաղաքական, թե տնտեսական, թե գիտամշակութային կապերի խորացման առումով: Նա իրազեկեց, որ փետրվարյան խորհրդարանական ընտրություններից հետո «Կադիմա» եւ «Լիկուդ» կուսակցությունները հավաքել են առավելագույն ձայներ, իսկ ընդհանուր առմամբ Կնեսետում ներկայացված կլինեն տասը կուսակցություններ. առաջիկա շաբաթների ընթացքում կձեւավորվի նաեւ կառավարությունը: Պարոն Ցուրը եւս կարեւորեց միջխորհրդարանական կապերի խորացման անհրաժեշտությունը` ընդգծելով բոլոր մակարդակներով փոխայցերի կարեւորությունը եւ այս համատեքստում նշեց, որ Իսրայելի նոր խորհրդարանում նույնպես կստեղծվի իսրայելահայկական բարեկամության պատգամավորական խումբ:

Կարեւորվեց Երուսաղեմում դարեր շարունակ գործող Հայոց պատրիարքարանի ներկայությունը եւ հայ համայնքի գործունեությունը: Կողմերը անդրադարձան տարածարջանում տիրող իրավիճակին` շեշտելով խնդիրները խաղաղ ճամապարհով լուծելու կարեւորությունը:

Հանդիպման ընթացքում քննարկվեցին երկկողմ հետաքրքրություն ներկայացնող այլ հարցեր եւս:

www.parliament.am

[Понч]

Հայերը ավետած երկրում:

«Շանթ»-ի ֆիլմը՝ ոնց որ խոստացել էի:

http://vkontakte.ru/video-4643008_90685225

Фильм про армянскую общину Израиля и будни Армянской церкви на святой земле.

[Понч]

Փետրվարի 27 - ին Յաֆֆոյի Ս.Նիկողայոս վանքում տոնվելու է Բարեկենդանը

Փետրվարի 27 - ին Յաֆֆոյի Ս.Նիկողայոս վանքում երեկոյան տոնվելու է Բարեկենդանը: Արդեն հունվար ամսից Յաֆֆոյի հայկական այս վանքը կրկին սկսել է վերադառնալ իր բնականոն գործունեությանը: Երկրի կենտրոնում և հյուսիսում շուրջ 4 տարի է ինչ Երուսաղեմի Հայոց Պատրիարքարանից հոգևոր հովիվ է նշանակված հայր Ավետիս աբեղա Իբրաջյան, որն էլ ձեռնամուխ եղավ 2 եկեղեցու՝ Յաֆֆոյի Ս.Նիկողայոսի և Ռամլեյի Ս. Գևորգի վերանորոգման աշխատանքներին: Այժմ մի փոքր տոնի մասին.......

Երուսաղեմի Հայ Առաքելական պատրիարքարանը նշում է Բարեկենդանի օրը հին տոմարով: Սովորաբար Բարեկենդան կոչվում է շաբաթապահքերի և Մեծ պահքի նախընթաց օրը: Այդ օրը թույլատրվում են չափավոր վայելքներ, խրախճանքներ, խաղեր և ուտեստներ: Բարեկենդան բառացի նշանակում է կենդանություն, բարի կյանք: Իսկ Մեծ պահքի բարեկենդանը կոչվում է Բուն Բարեկենդան, քանի որ նախորդում է ամենաերկար պահքին: Բարեկենդանը մարդու երջանկության հիշատակն է, որը դրախտում վայելում էին Ադամն ու Եվան: Բացի այդ, այս համարվում է դրախտային կյանքի օրինակ, որտեղ մարդուն թույլտրված էր ճաշակել բոլոր պտուղները, բացառությամբ բարու և չարի` գիտության ծառի պտղից, որը պահքի խորհրդանիշն է: Բարեկենդանն առաքինությունների արտահայտություն է: Այդ օրը մարդիկ սգից անցնում են ուրախության, չարչարանքից` խաղաղության: Իսկ տոնից հետո, մարդիկ պատրաստվում են 40-օրյա Մեծ Պահքի շրջանին: Այս տարի այն Հայաստանի Հանրապետությունում սկսվել է փետրվարի 23-ին, ու տևում է 48 օր՝ Բուն Բարեկենդանից մինչև Ս. Հարության՝ Զատիկի տոնը:

© Nairi

[Понч]

Ashot Duduk Sahakyan (:

Klip@ nkarahanvel e hin Yaffo kaghaqum.

http://www.youtube.com/watch?v=DEasa0bDab8

[Понч]

Սրտանց շնորհավորում եմ Պետրոսին և Սոնաին ու ցանկանում եմ երկար տարիների երջանիկ կյանք:

:sharik:

[Понч]

Հայաստանի Հանրապետությունում Տրնդեզը նշվում է ամեն տարի փետրվարի 14-ին: Իր էությամբ այն հիշեցնում է Սբ. Վալենտինի օրը, քանի որ նրա գլխավոր գործող անձինք երիտասարդներն ու սիրահարվածներն են, և ռուսական Մասլեննիցային:

Տոնի հիմքում ընկած է հեթանոս-կրակապաշտների հնագույն ծիսակատա-րությունը: Սկզբնականում տոնը կոչվում էր Դերենդեզ` «Խոտի դեզ ձեր տան առաջ», այսինքն` հաջողության ցանկացում տանը, հողի բերրիություն: Քրիստոնեության ընդունումից հետո անունը վերափոխվեց Տրնդեզի` «տեր» բառից:

Տոնահանդիսությունների կարևորագույն խորհրդանիշը խարույկն է, որի վրայով թռչում են երիտասարդ զույգերը: Այդ ընթացքում կարև է բաց չթողնել միմյանց ձեռքերը, որպեսզի միությունը ամուր լինի: Մինչ պատանիներն ու աղջիկները թռչում են, մեծահասակները նրանց վրա են նետում գարու և կանեփի հատիկներ:

Երուսաղեմի Հայոց Պատրիարքարանը բոլոր եկեղեցական տոներն նշում է հին տոմարով:

01.03.09 Իսրայելահայերի «Նաիրի» միություն:

[Понч]

Դաշնակահար Աշխեն Աղասարյան:

Շոպեն. Պոլոնեզ. 1 մաս:

[Понч]

Դաշնակահար Աշխեն Աղասարյան:

Շոպեն. Պոլոնեզ. 1 մաս:

[Понч]

Մեծ ուրախությամբ հրավիրում ենք բոլոր ցանկացողներին մասնակցել մեր կազմակերպած Պուրիմի և Մարտի 8-ին նվիրված երեկոյին, որը տեղի կունենա 2009 թվականի մարտի 13 -ինՊետախ-Տիկվա քաղաքի «Արբատ» ռեստորանում: Ժամը՝ 20-ին Մուտքի արժեքը 160 շեկել:

Հասցեն՝Բառ-Կոխբա 67, Պետախ-Տիկվա

Լրացուցիչ տեղեկությունների համար դիմել «Նաիրի» միության

ղեկավար կազմին E-mail: [email protected]

[Понч]

http://www.youtube.com/watch?v=5XOwA5YNSQw

Աշխեն Աղասարյանն ու Երուսաղեմի՝ «Անդրանիկ» խումբը Յաֆֆոյում՝ Տրնդեզի քեֆի ժամանակ: :band:

[Понч]

Memorial park. Rishon Le Ziyon.

[Понч]

B)

[Bender B.R.]

http://www.youtube.com/watch?v=5XOwA5YNSQw

Աշխեն Աղասարյանն ու Երուսաղեմի՝ «Անդրանիկ» խումբը Յաֆֆոյում՝ Տրնդեզի քեֆի ժամանակ: :band: