Սուրբ Գրիգորի առաջին թուղթը

[Bender B.R.]

Սուրբ Գրիգորի առաջին թուղթը, որ գրեց և ուղարկեց Կեսարիա:

Աստվածային սիրով պատվված և բոլոր մարդկանցից փառաբանված, երիցս երանելի տեր Ղևոնդ հոգելից և սուրբ հայրապետին:

Ձեր սուրբ ձեռնադրությունից ի վեր՝ մեր փանակիմացությանն այս առաջին թուղթը, ահա, ողջույններով ու սրբությամբ թող հասնի ձերդ փառավորությանը և ապա՝ տիեզերքին համայն:

Հույժ գոհ ենք Աստծուց, որ իր հայրախնամ ողորմությամբ խղճաց մարդկային ցեղին՝ իր Միածին Որդու աշխարհ գալով, որ առաքելական քարոզչությամբ աշխարհի բոլոր ազգերին Երկնային Քաղաք հրավիրեց, որով և այս աշխարհի մեծագույն մասը փառքի հասավ: Քանզի այստեղ եկաց Քրիստոսի երկու լծակիցները Սուրբ Հոգու շնորհիվ այդպիսի վիճակ ընդունեցին, որ թեև դրանով իսկ հեռացան ճշմարտությունից, սակայն Աստծու ողորմած կամքը գտած մեզ մեր նվաստության համար: Ըստ այդմ էլ կամեցավ և սքանչելիքներ գործեց մեր ժամանակներում, որը դուք հենց մեզանից լսեցիք: Մանավանդ ձեզանով կրկին գոհություն ենք մատուցում Աստծուն, նույնպես և ձեզ՝ օրհնություն, որովհետև Հայոց աշխարհին շնորհեցիք կենաց գանձը՝ սուրբ Հովհաննես Մկրտչին: Նրա գալստյամբ չափազանց ուրախացավ մեր Հայոց երկիրը, ինչպես այնտեղ Հորդանանը՝ Քրիստոսի գալստյամբ:

Եվ այս ամենը ծանուցում ենք ձեզ, որպեսզի իմանաք, թե ինչպես այնտեղ Քրիստոսին ջուրը իջեցնելով մահը կործանվեց, նույնպես այստեղ սրա գալստյամբ դջոխքի դռները խորտակվեցին: Որովհետև հենց այստեղ է գտնվում Չորրորդ Հայքի սահմանը՝ Թավորս կոչված լեռան ստորոտում, որը կտրում անցնում է մինչև պահլավական Պարսկաստանի դռները: Հենց սրա շուրջ է ընկած Մամիկոնյաններին պատկանող երկիրը և հենց այստեղ էլ երկու տեղ մահն էր բույն դրել: Դրանից մեկում, հատկապես, այնքան էր որջացել, որ Սուրբ Հոգին հայտնի դարձրեց, թե հենց դա է դժոխքի դուռ կոչվածը, որին հնդիկները ու պարսիկները Իննակընյան են անվանում, և որի Գիսանե կուռքով ու նրա որդի Դեմետրով պարծենում են տեղի բնակիչները:

ՈՒստի ձեռնարկեցի շտապ կարքով կործանել սատանայի այդ պատկերները և նույն այդ մատուռի տեղում հաստատեցի սուրբ Կարապետի և Աթանագինես վկայի նշխարները: Դրա հետևանքով էլ կործանվեց մահ իր զորությամբ, և այժմ նույն Իննակյան վայրում Ատծուն են պատվում երկրպագելով: Ապա նաև նույն տեղում թողեցի Քրիստոսի երկու կենդանի վկաներին՝ Անտոնինն և Կրոնիդեսին, որոնց դու ինքդ՝ քո սիրո և բարեպաշտության շնորհիվ մեր Հայոց աշխարհին ընծայեցիր:

Նրանց որպես կետ հավիտենության նշանակեցինք ընդմիշտ Քրիստոսի հետ խաչվելու, սակայն կենդանի մարմնով՝ հանուն մարդկային ցեղի բարերարության որոնց և համարում եմ ինձ շնորհված աննյութեղեն գանձ: Այլև աղաչում եմ, որպեսզի մեր հանդեպ ունեցած սիրո և մտերմության համաձայն մյուս ընծաներն էլ շնորհ անեց ինձ: Քանզի: Քրիստոսի առատ հունձքը հասել է, բայց մշակները սակավ են:

Ահա աղաչում եմ քեզ, որպեսզի դուրս բերես մշակներիդ տիրոջ հունձն անելու: Նրանցից մեկը, որ խնդրում եմ քեզանից, Եղազարոսն է, իսկ մյուսը հայոց եպիսկոպ Իսուսը, Զենոբ Ասորու եղբայրը, որին ինձ հետ բերելով ձեռնադրեցի Մամիկոնյան տան եպիսկոպ: Նաև խնդրում ենք ադդենացիների Թիմոթեոս եպիսկոպոսին ենք խնդրում ուղարկես, որի մեծ հմտությունը ինքդ էիր գովաբանում: Այդպիսի մեկը շատ օգտակար է մեր երկրում և նրա օգնությունը ստացա կլինենք աղոթքներով: ՈՒստի և հարատև ճգնությամբ շատերին օրինակ հանդիսանալով և Տիրոջ տված շնորհներով ուսուցանելով՝ ողջ եղեք, Տիրոջ անունով բազում մարդկանց օգնելու:

Ամեն:

[Гость Шалапунька]

:flower: :flower: :flower: