Վիճակը ազատգրված տարածքներում

[Mono]

SOS՝ ՓՐԿԵՆՔ ՔԱՐՎԱՃԱՌԻ ՄԱՆԿԱԲՈՒԺՈՒԹՅՈՒՆԸ

Ի ԽՈՐՈՑ ՍՐՏԻ ԿՈՉ ՀԱՅԵՐԻՍ

Երբեմն խոսքերն անզոր են՝ անզոր են բովանակելու զայրույթը, արհամարհանքն ու զազրանքը մեր իրականության որոշ երևույթների նկատմամբ: Այսօր ես չեմ կամենում լինել դիվանագիտորեն կամ սոսկ մարդկորեն նրբանկատ: Այսօր ես ինձ իրավունք եմ վերապահում լինել վճռական և հեգնորեն արհամարհալից միաժամանակ: Այսօր ես կամենում եմ ասել ԼՂՀ առողջապահության նախարար ոմն Արմեն Խաչատրյանին, որ քո քրեախնդիր ճղճիմությունն ու մարդատյաց ստորությունն անզոր են Քարվաճառիս, Արցախիս և համայն Հայոց աշխարհիս նկատմամբ: Դու շատ փոքր ես, ողորմելի ու թշվառ, որպեսզի երևակայես, որ քեզ անարգել իրավունք է շնորհված լավագույն վերաբնակներին Արցախի ազատագրված տարածքից վտարելու:

Շուրջ երկու ամիս առաջ ես ԿՄ-ում գրառում եմ թողել բժիշկ Վանիկի, ոմն Ռոբերտի և այլոց մասին http://vaykuneci.livejournal.com/44776.html, որը բլոգոսֆերայում մեծ, թեպետև տխուր արձագանք առաջացրեց: Այն ժամանակ արդեն կանխազգում էի, որ Քարվաճառի առողջապահության վիճակը մեծապես վատթարանալու է, սակայն չէի երևակայում այդչափ սրընթաց զարգացումներ:

Երեկ մի քանի ամիս առաջ առողջապահության նախարարհի հրամանագրով Քարվաճառի բնակչության դեմ նախկինում բժշկական և վարչական բնույթի հրապարակային հանցագործություններ կատարած և կրկին գլխավոր բժիշկ նշանակված Վանիկ Գրիգորյանն իր առանձնասենյակ է հրավիրում մեր շրջանի մանկաբույժ, դաշտային պայմաններում տասնյակ նորածին երեխաների կյանքը փրկած Ստեփան Սարգսյանին և տառացիորեն ասում հետևյալը. «Նախարարն ինձ հանձնարարել է քեզ շրջանից «սիկտիր» անել, դու լավ գիտես, որ վրեդ ուզածս գործ կարող եմ սարքել, դիմում գրիր և չքվիր տարածքից»: Անձնական փորձառությամբ ճանաչելով Վանիկի պատրաստակամությունն ամեն կարգի բժշկական հանցագործության դիմելու, Ստեփան Սարգսյանը ներկայացրել է ազատման դիմումը և այժմ հրաժարվում է հիվանդանոց մտնել՝ երեխաների կյանքը չվտանգելու համար:

ՔԱՐՎԱՃԱՌԸ ՄՆՈՒՄ Է ԱՌԱՆՑ ՄԱՆԿԱԲՈՒՅԺԻ: Ստեփանը միակ բժիշկն էր, որ ուներ մասնագիտական մեծ փորձառություն, տարիներ շարունակ եղել է Չարենցավանի գլխավոր մանկաբույժ, վայելում էր մեր բնաչկության համակրանքն ու բարոյական իրավունք ուներ բժիշկ կոչվելու: ԼՂՀ առողջապահության նախարարի համանման հանցանքով երկու տարի առաջ Բերձորից վտարվել է ստոմատոլոգ Եղիշե Ավետիսյանը, որի մասին անանուն գրել էի իմ հիշատակած գրառման մեջ: Խնդրում եմ բոլորիդ՝ աջակից եղե՜ք մեր մանկաբույժ Ստեփան Սարգսյանի Քարվաճառում ապրելու և մեր մանուկների կյանքն ու առողջությունը փրկելու իրավունքի պաշտպանությանը: Մի՜ թողեք մեր երեխաներին և մեր շրջանն առանց բժշկի, մի՜ թողեք հանցագործ ոչնչություններին կործանել բացառապես Ստեփան Սարգսյանի մասնագիտական և մարդկային հատկությունների վրա տարիներ գոյատևած քարվաճառյան առողջապահությունը:

Ձեզ պարբերաբար տեղյակ կպահեմ զարգացումների վերաբերյալ: Կանխավ՝ շնորհակալություն:

Հարգանոք և համայն աջակցության ակնկալիքով՝

Վայկունեցի՝ Ալեքսանդր Քանանյան:

09.08.09 թ.

http://vaykuneci.livejournal.com/51121.html?style=mine

---------------------------

Աշխատում ենք քննարկումները անել հայերեն:

Այլևս չի կարելի հանդուրժել որ ազատագրված տարածքներում լինեն այսպիսի բաներ:

Չի կարելի ու վերջ:

[Mono]

Այս թեմայում տեղադրում ենք ազատագրված տարածքների մասին նյութեր

Աշխատում ենք սկսել համակարգված պայքար որպեսզի նախ այդ տարածքները բնակեցվեն

[Patologist]

առողջապահության նախարարհի հրամանագրով Քարվաճառի բնակչության դեմ նախկինում բժշկական և վարչական բնույթի հրապարակային հանցագործություններ կատարած և կրկին գլխավոր բժիշկ նշանակված Վանիկ Գրիգորյան

[sacred]

Ժօղովուրդ..Իսկ եթե դիմենք անմիջապես Բակոին:Եթե էդ մարդը գիտի ,որ սփյուռքի ժողովուրդը ցավում է արցախի համար,շատ շատերը իրենց կյանքն են զոհել,շատերն էլ պատրաստ են զոհելու,ապա եկեք ուղիղ իրեն գրենք,թող լուրջ զբաղվի,քանի որ շատ բան է կախված քարվաճառից/Եղած ժողովրդին էլ են ուզում հեռացնել:Ես գտնում եմ ,որ պետք է սիկտիր անել հենց նախարարին էդ Բ ի հետ/Պետք է գրել....ազատամարտիկներն էլ թող նշեն իրենց ջոկատների անվանումները,որ պարզ լինի,որ մեր կռիվը դեռ չի վերջացել: