Celebrating 175 Years in Singapore Armenian Church of St. Gregory the Illuminator

[GrantB]

http://armeniansinasia.org/

[GrantB]

Событие состоялось, скан статьи из сингапурской газеты Straits Times (основатель - армянин):

[GrantB]

04 Ապրիլի, 2011 թ.

Sydney, Australia

ՀԱՂՈՐԴԱԳՐՈՒԹՅՈՒՆ

ՍԻՆԳԱՊՈՒՐԻ Ս. ԳՐԻԳՈՐ ԼՈՒՍԱՎՈՐԻՉ ԵԿԵՂԵՑՈՒ 175 ԱՄՅԱԿԸ

Մարտի 25-27–ը Սինգապուրում մեծ հանդիսավորությամբ նշվեց Հայ Առաքելական Սուրբ Գրիգոր Լուսավորիչ եկեղեցու 175 ամյակը: Այս առիթով Սինգապուրում հավաքվել էին շուրջ 200 հայեր, որոնք ժամանել էին աշխարհի 15 երկրներից, այդ թվում շուրջ 40 ներկայացուցիչ Սինգապուրի հայ համայնքից:

Եկեղեցու 175 ամյակին նվիրված տոնակատարությունները նախագահում էր Ավստրալիայի և Նոր Զելանդիայի հոգևոր առաջնորդ, ինչպես նաև Հնդկաստանի և Ծայրագույն Արևելքի Հայրապետական պատվիրակ` գերաշնորհ Տ. Աղան արքեպիսկոպոս Պալիոզյանը: Սրբազան հոր առաջնորդությամբ` Սինգապուրում հավաքված հայերի թվում մեծամասնություն էին կազմում Ավստրալիայի և Նոր Զելանդիայի տարբեր շրջաններից, հատկապես Սիդնեյից ժամանած ներկայացուցիչները, որոնք թվով մոտ 50 հոգի էին:

Սինգապուրում բացի Ս. Գրիգոր Լուսավորիչ եկեղեցուց կան նաև բազմաթիվ այլ նշանավոր վայրեր և կառույցներ, որոնք անմիջականորեն կապված են հայ համայնքի պատմությանը: Օրինակ` Հայկական փողոցը, Սինգապուրի պատմական ամենանշանավոր կառույցներից մեկը` հանրահայտ Ռաֆլզ Հոթել հյուրանոցը և այն հիմնադրող Սարգիս (Սարգսյան) եղբայրների անվամբ կոչվող փողոցը, անգլերենով հրատարակվող Սթրեյթ Թայմս օրաթերթը, որը հիմնադրվել է 1845 թ. Խաչիկ Մովսեսի կողմից, Սինգապուրի ազգային խորհրդանիշը հանդիսացող ծաղիկը, որը կրում է (Միս Վանդա Ջոաքիմ) հայազգի Աշխեն Հովակիմյանի կամ Ագնես Ջոաքիմի անունը, ինչպես նաև Գալիսթան և Սեթ Մարթին փողոցները և այլն:

Մարտի 26-ին, երեկոյան Ռաֆլզ Հոթել-ում տեղի ունեցավ հանդիսավոր ճաշկերույթ-ընդունելություն, որին, ի թիվս հայության, ներկա էին նաև Գերաշնորհ Տ. Աղան Արքեպիսկոպոս Պալիոզյանը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ներկայացուցիչ գերաշնորհ Տ. Ոսկան արքեպիսկոպոս Կալպակյանը, Հայաստանի Հանրապետության Սփյուռքի նախարար` Տիկ. Հրանուշ Հակոբյանը, Սինգապուրի Ազգային պատմամշակութային արժեքների պահպանման խորհրդի նախագահ Թոմի Քոհը, Սինգապուրում Հայաստանի Հանրապետության արտակարգ և լիազոր դեսպան Արմեն Սարգսյանը, Սինգապուրի Սուրբ Գրիգոր Լուսավորիչ եկեղեցու հոգեբարձուների խորհրդի անդամներ և այլք: Ընդունելությունը եզրափակվեց հայ երաժիշտների կատարմամբ եվրոպական և հայ դասական երաժշտության համերգով:

Մարտի 27-ին Սինգապուրի Սուրբ Գրիգոր Լուսավորիչ եկեղեցում մատուցվեց Սուրբ Պատարագ, օրվա պատարագիչն էր Հայրապետական ներկայացուցիչ` գերաշնորհ Տ. Ոսկան արքեպիսկոպոս Կալպակյանը: Պատարագին, ի թիվս հայ հավատացյալների ներկա էր նաև Սինգապուրի արտաքին գործերի նախարար Ջորջ Յոն, ով իր ելույթում մասնավորապես նշեց, որ <<հայերի փոքր համայնքը երկրի թագի զարդերից է>>:

Դիվան` առաջնորդարանի

[GrantB]