ԿԵՑՑԵ մեռ դատարանը

[Grig777]

ՁԵՐԲԱԿԱԼՎԵԼ Է «ՌՈՅԱԼ-ԱՐՄԵՆԻԱՅԻ» ՍԵՓԱԿԱՆԱՏԵՐԸ

[10:30] 03 Հոկտեմբերի, 2007

Իսպանիայից վերադառանալուց օդակայանում ձերբակալվել է «Ռոյալ Արմենիա» ընկերության սեփականատեր Գագիկ Հակոբյանը:

Առաջին ատյանի դատարանում արդարացման վճռից հետո Գագիկ Հակոբյանը բուժման նպատակով մեկնել էր Իսպանիա եւ վերաքննիչ դատավարության սկսվելիս Հայաստանում չի եղել: Այս առիթից օգտվելով` դատարանը, բավարարելով դատախազության միջնորդությունը, Հակոբյանի խափանման միջոցը փոխել էր եւ նրան կալանքի տակ առնելու որոշում կայացրել: Չնայած այս որոշմանը` Հակոբյանը հայտարարել էր, որ ինքնակամ վերադառնում է Հայաստան եւ պատրաստ է ներկա գտնվել դատական նիստին:

Մարդու իրավուքների պաշտպան Արմեն Հարությունյանը, հաշվի առնելով հիշյալ հանգամանքը, միջնորդել էր, որ «Ռոյալ Արմենիա» ընկերության սեփականատեր Գագիկ Հակոբյանի նկատմամբ խափանման միջոցը փոխվի:

Ինչպես երեւում է, օմբուդսմենի միջնորդությունը եւս հաշվի չի առնվել:

Այսօր ժամը 11-ին Վերաքննիչ դատարանում կշարունակվի «Ռոյալ Արմենիայի» գործով դատավարությունը: Հիշեցնենք, Գագիկ Հակոբյանը եւ նրա տեղակալ Արամ Ղազարյանը ձերբակալվել էին 2005 թվականի հոկտեմբերին, երբ հրապարակայնորեն Հայաստանի մաքսային ծառայությանը մեղադրեցին կոռուպցիայի մեջ:

Մեկ տարի 9 ամիս Ազգային անվտանգության ծառայության մեկուսարանում անցկացնելուց հետո, սակայն, նրանք ազատ արձակվեցին դատարանի դահլիճից:

http://www.a1plus.am/am/?page=issue&iid=52869

[Grig777]

ԳԱԳԻԿ ՀԱԿՈԲՅԱՆԻՆ ՁԵՌՆԱՇՂԹԱՆԵՐՈՎ ՉԲԵՐԵՑԻՆ ԴԱՏԱՐԱՆ

[12:13] 03 Հոկտեմբերի, 2007

ՀՀ քրեական եւ զինվորական գործերով վերաքննիչ դատարանի դատավոր Սուրեն Ղազարյանը հետաձգեց «Ռոյալ Արմենիայի» գործով դատական նիստը մինչեւ հոկտեմբերի 15-ը, ժամը 11-ը: «Ռոյալ Արմենիայի» սեփականատեր Գագիկ Հակոբյանը, որն այսօր կալանավորվել էր հենց օդակայանում` Իսպանիայից վերադառնալիս, դատարան չէր բերվել: Սակայն նիստը հետաձգվեց մեղադրող կողմի բացակայության պատճառով: Դատավորի որոշումից մի քանի րոպե անց մեղադրող կողմը ներկայացավ, սակայն որոշումը մնաց ուժի մեջ:

Հիշեցնենք, Գագիկ Հակոբյանը եւ նրա տեղակալ Արամ Ղազարյանը ձերբակալվել էին 2005 թվականի հոկտեմբերին, երբ հրապարակայնորեն Հայաստանի մաքսային ծառայությանը մեղադրեցին կոռուպցիայի մեջ:

Առաջին ատյանի դատարանը արդարացրել էր «Ռոյալ Արմենիայի» սեփականատերերին, սակայն մեղադրող կողմը դիմել էր վերաքննիչ:

Դատական առաջին նիստերին Իսպանիայում բուժման նպատակով գտնվող Գագիկ Հակոբյանը չի մասնակցել եւ դատարանը, բավարարելով դատախազության միջնորդությանը, , Հակոբյանի խափանման միջոցը փոխել էր եւ նրան կալանքի տակ առնելու որոշում կայացրել:

«Եթե այդ մարդը փախած էր ման գալիս , ինչո՞ւ պետք է գար Հայաստան»,-այսօր «Ա1+»-ին ասաց Գագիկ Հակոբյանի տեղակալը` գործով մեղադրվող Արամ Ղազարյանը:

http://www.a1plus.am/am/?page=issue&iid=52881